Patuloy na pinaghahanap ang 17-anyos na binatilyo na
naiulat na nalunod sa baybayin na sakop ng Brgy. Bakhaw Norte, Kalibo pasado
ala-una nitong hapon.
Kinilala ang biktima na si Niño Arandilla at residente ng
nabanggit na lugar.
Sa pahayag ng ina ng biktima nabatid na nagkayayaan ang
biktima at mga kaibigan nito na maligo sa naturang lugar nang hindi nagpapaalam
dito.
Habang ayon naman sa mga kaibigan nito, minsan na rin
silang naligo sa lugar ngunit hindi nila inaasahan na mangyayari ito sa
kanilang kaibigan.
Kumbisido din ang mga ito na posibleng nagpanic ang
biktima kung kaya’t nadala ito ng malakas na agos ng tubig sa malalim na parte
ng dagat.
Samantala, patuloy naman ngayon ang ginagawang search and
rescue operation ng mga otoridad sa naturang insidente. |Jurry Lie Vicente
0 Comments