DAGDAG NA P8.4 BILYON SA ILOILO MEGA DAM PROJECT, APRUBADO NG PANGULO

Photo Courtesy: Emerging Philippines

 

DAGDAG NA P8.4 BILYON SA ILOILO MEGA DAM PROJECT, APRUBADO NG PANGULO

Inaprubahan ni Pangulong Ferdinand Marcos Jr. ang dagdag na P8.4 bilyon para sa konstruksyon ng mega dam project sa probinsya ng Iloilo.

Ayon sa National Irrigation Administration (NIA), ang nasabing proyekto ay tinatawag na Jalaur River Multipurpose Project Stage II (JRMP-II) na isinasagawa sa bayan ng Calinog sa Iloilo.

Photo Courtesy: Emerging Philippines

Nauna nang pinondohan ang naturang proyekto na nasa P11.2 bilyon kung saan ang P8.9 bilyon ay inutang mula sa Export-Import Bank ng Korea habang ang natitirang P2.3 bilyon ay mula sa national government.

Ipinahayag ni JRMP-II na layunin ng naturang proyekto na palakasin ang rice production sa Iloilo at nakatakda sanang matatapos sa Pebrero 9, 2023.

Photo Courtesy: Emerging Philippines

Ngunit, ito’y naantala dahil sa ilang mga problema tulad ng pagtaas ng inflation rate na nakaapekto sa biglang pagtaas ng presyo ng mga materyales at manggagawa; pagka-delay sanhi ng COVID-19 restrictions; at ang hindi inaasahang masamang panahon sa construction site ng tatlong dam at mga imbakan ng tubig nito.

Samantala, nasa 68.56% na ang natapos sa naturang dam at dalawa mula sa tatlong dam ay halos kumpleto na kung kaya’t inaasahan na magiging operational ito sa susunod na taon. |Ni Sam Zaulda