CIVIL DISTURBANCE MANAGEMENT PERSONNEL NG APPO, NAKABANTAY
SA BAYAN NG KALIBO
Ni Jurry Lie Vicente
Nakabantay ngayon ang Civil Disturbance Management (CDM)
personnel ng Aklan Police Provincial Office (APPO) gayundin ang Kalibo
Municipal Police Station bilang paghahanda sa Ninoy Aquino Day.
Sa panayam ng Radyo Bandera Sweet FM Kalibo kay PNP Chief PLTCOL. Ricky Bontogon, hepe ng Kalibo PNP, sinabi nito na nakalatag na ang deployment ng mga kapulisan sa bayan ng Kalibo sakaling magkaroon ng rally ang grupong Bagong Alyansang Makabayan (BAYAN AKLAN).
Aniya, wala namang nagsagawa ng rally ngayong araw habang
nanatili pa rin ang pagbabantay ng mga otoridad sa mga pangunahing lugar sa
Kalibo.
Dagdag pa nito, hindi ipinagbabawal ang pagsasagawa ng
assembly meeting o rally ngunit kinakailangang mapayapa ito at hindi
nakaka-istorbo sa daan.
Samantala, nakahanda silang i-activate ang Critical
Incident Management Team kung kinakailangan sakaling magkaroon ng riot dulot
kilos protesta.
0 Comments