3 GRUPO,
HINDI NA KASALI SA 2024 KALIBO SADSAD
ATI-ATIHAN CONTEST; BAGONG GRUPO, INAASAHAN
Ni Jurry Lie
Vicente
Tinatayang
nasa tatlong grupo ang hindi na makakasali sa 2024 Kalibo Sadsad Ati-Atihan
Contest habang may mga bagong grupo mula sa Tribal Group, Modern, Balik-Ati, at
Tribal Small ang inaasahang lalahok sa nasabing kompetisyon.
Ito ang
kinumpirma ni Mr. Boy Ryan Zabal, Chairman ng Sadsad Parade Committee, sa
panayam ng Radyo Bandera Sweet FM Kalibo.
Batay aniya Evaluation
Report, may isang tribu na hindi nakamit ang mga mandatory requirements noong
2023 pagdating sa number of required dancers at pagsusuot ng uniporme sa araw
ng kompetisyon habang ang dalawang iba pa ay walang malinaw na dahilan.
Paliwanag pa
nito, mayroon aniyang required number at material para sa judging kung saan
nakitaan ang mga ito ng mga paglabag.
Dagdag pa
nito, ilan sa mga kalahok na grupo ay hindi pa nayari ng maayos ang costume
habang ang iba naman ay hindi pa natapos sa kabila nang ibinigay na subsidy ng
LGU upang magamit ng mga tribu.
Sa huli,
sinabi nito na layon nitong maipakita sa mga kalahok ang paglagay ng guide at
kasunduan gayundin ang pagrespeto sa mga mechanics sa contest.
.png)
.png)
0 Comments