CELEBRITY COUPLE COLEEN AT
BILLY CRAWFORD, NAGKASUNDONG “MAGHIWALAY MUNA” PARA MAKAPAG-POKUS SA SHOWBIZ
CAREER
Nagdesisyong maghiwalay muna
ang celebrity couple na sina Coleen Garcia at Billy Crawford upang makapag-focus
ang mga ito sa kanilang career.
Ito ang naging pahayag ng
aktres matapos isiniwalat nitong hindi ito makakasunod pati ang anak nilang si
Amari sa France dahil sa dumadaming trabahong nakapila sa kanya.
Ani pa nito, oras na umano
na balikan nito ang pag-arte lalo na’t matagal itong nawala sa industriya dahil
inuna nito ang pamilya.
Napag-alamang matagal nang
naiplano nina Coleen at Billy ang pag-alis sa bansa kasama ang anak na si Amari
ngunit naaantala ito dahil sa sunod-sunod na trabahong inaalok sa kanilang
mag-asawa.
Sa ngayon ay nasa France si
Billy dahil sa 18 shows na gagawin nito habang naiwan naman sa Pilipinas ang
kanyang mag-ina kung saan nakatakdang makakasama sa isang romantic drama series
na “Kung Hindi Lang Tayo Sumuko” si Coleen na mapapanood sa Agosto 21 sa
streaming app na Viva One. |
0 Comments