BIGAS, PINAKA-KRITIKAL NA PROBLEMA SA PILIPINAS - PRES. MARCOS

 

Aminado si Pres. Ferdinand Marcos Jr., na ang supply ng bigas ang pinaka-kritikal na problema ng bansa.

Ayon sa Pangulo, tinatrabaho na ngayon ng gobyerno ang problema sa bigas sa tulong ng ilang pribadong sektor.

Napag-alaman na si Marcos din ang kalihim ng Department of Agriculture (DA) at naunang nangako na pababain sa ₱20 ang kada kilo ng bigas.

Sa kabila nito, tiniyak naman ng Presidente na patuloy nilang sosolusyunan ang isyu ng bigas.

Samantala, tuwing linggo ay nagpapatawag ng sectoral meeting ang Pangulo sa Malacañang at kasama sa mga pinag-uusapan ang isyu ng bigas. |Ni Jurry Lie Vicente