BANTA SA SEGURIDAD, IPINAABOT NG PILIPINAS SA ASEAN
COMMUNITY VISION 2045
Ni Rio Trayco
Ipinaabot ng delegasyon ng Pilipinas sa nagdaang 9th Meeting
of the High-Level Task Force on the ASEAN Community’s Post-2025 Vision o
HLTF-ACV ang ilang hinaharap na suliranin sa West Philippine Sea.
Kabilang sa isinulong ng bansa na maging prayoridad sa
nasabing pulong ay ang pagtalakay sa banta sa seguridad partikular sa
Indo-Pacific region kung saan makikita ang pinag-aagawang teritoryo.
Maliban dito iminungkahi rin ng delegado na resolbahin ang
mga problema sa migration, biodiversity loss at climate change.
Ayon naman kay Ambassador Elizabeth P. Buensuceso na siyang
namuno sa delegasyon ng bansa sa nasabing event, hinikayat niya ang ASEAN na
bigyang halaga ang mga kababaihan para sa Community-building at sa paggawa ng
mga desisyon.
Ngayong taon isinagawa ang nasabing pagtitipon sa Kuala
Lumpur, Malaysia at i-endorso sa ASEAN Coordinating Council ang napag-usapan sa
buwan ng Setyembre ngayong taon.
0 Comments