BAGONG TARIPA SA PAMASAHE, IPAPATUPAD NG MALINAO-LEZO TRANSPORT COOPERATIVE
Ni Jurry Lie Vicente
Inaasahang magpatupad ng
bagong taripa sa pamasahe ang Malinao-Lezo Transport Cooperative sa mga susunod
na araw.
Ito ang kinumpirma ni Mr.
Edgar Igcasenza, presidente ng Malinao-Lezo Transport Cooperative sa panayam ng
Radyo Bandera Sweet FM Kalibo.
Aniya, nais nitong linawin
sa mga pasahero na hindi sila nagpatupad ng taas-pasahe sa kabila ng ipinalabas
na bagong taripa ng Department of Transportation (DOTr) at Land Transportation
Franchising and Regulatory Board (LTFRB) noong Oktubre 3, 2022.
Paliwanag pa nito, kailangan
na itong ipatupad dahil hindi na nila kayang habulin pa ang patuloy na pagtaas
ng presyo ng mga produktong petrolyo.
Dagdag pa nito, maaapektuhan
ang mga drivers kapag hindi ito ipatupad dahil may pangangailangan din ang mga
ito sa araw-araw
Nilinaw din nito na hindi
pwedeng magtaas ng pamasahe na walang kautusan mula sa LTFRB at DOTr.
Sinabi rin nito na ang
bagong pamasahe ay adjustment lamang mula noong Oktubre 2022.
Binanggit din nito na ang
dating pamasahe mula Kalibo-Malinao ay nasa ₱25 para sa regular, at nasa ₱23 ang para sa student, senior citizen at PWD noong
taong 2018.
Habang
nasa ₱31.75 naman ang bagong taripa na ipinalabas ng
LTFRB at DOTr.
Samantala,
hiniling din nito sa mga pasahero at drivers sa western side ng Aklan na
unawain ang pagkakaroon ng kaunting adjustment sa pamasahe.
0 Comments