Sa gitna ng tensyon sa pagitan ng Pilipinas at China,
nilinaw ni Armed Forces of the Philippines chief of staff General Romeo Brawner
Jr. na hindi nagpapadala ng mga Pilipinong kadete sa mga military schools ng
China ang AFP.
Ito ay matapos sitahin ng ilang Senador ang umano’y
kasunduan ng AFP sa Chinese Military sa ilang training sa bansang China.
Nilinaw ni Brawner na tanging mga opisyal sa AFP ang
ipinapadala sa naturang bansa sa ilalim ng memorandum of understanding (MOU) sa
defense cooperation na nilagdaan noong 2004.
Tanging sa mga bansang United States, Australia, Japan at
South Korea lamang nagpapadala ng mga kadete ang AFP para sa karagdagang
pag-aaral.
Matatandaang naging mainit ang tensyon nang gamitan ng water
cannon ng China ang supply ship ng AFP sa Ayungin Shoal.
Mariing kinondena ng
mga opisyal ng bansa ang insidente, at may mga ginagawa pang hakbang ang
gobyerno para hindi na ito maulit. |
0 Comments