Nasawi ang isang 17-anyos na lalaki sa Navotas City
matapos itong mapagkamalang suspek ng mga pulis.
Sa isang ulat, mangingisda sana ang nasabing lalaki nang
bigla itong barilin ng anim na mga pulis ng Navotas City sa Barangay NBBS
Kaunlaran.
Kwento naman ng kaibigang kasama ng 17-anyos na lalaki, naghahanda
na umano ang mga ito ng kanilang bangka nang inutusan silang bumaba ng mga
pulis.
Bago pa makalapit ang biktima ay pinagbabaril na ito ng
mga kapulisan dahilan ng pagkamatay nito.
Napag-alamang nasa gitna ng isang operasyon ang mga pulis
kung saan hinahanap nila ang suspek sa isang insidente ng pamamaril sa naturang
barangay.
Inamin naman ng Navotas PNP ang kanilang pagkakamali sa naturang
operasyon.
Dahil dito, kinuhaan na ng mga armas at naka-detain na ang
nabanggit na anim na mga pulis na kasama sa operasyon pati mahaharap din ang
mga ito sa kasong homicide. |
0 Comments