14 SUGATAN SA PAGSAGASA AT PANANAKSAK SA SOUTH KOREA
Ni John Ronald Guarin
Nasa 14 katao ang sugatan
matapos na humarurot ang isang sasakyan sa sidewalk bago lumabas sa sasakyan
ang suspek para manaksak ng mga taong dumadaan sa bahagi ng Seongnam, Gyeonggi
Province, South Korea.
Ayon sa Yonhap News Agency,
inaresto ng kapulisan ang 23-taong gulang na lalaking may apelyido na Choi, mga
bandang 5:55 pm, dahil sa naiulat na insidente ng pananaksak malapit sa
Seohyeon Station, Bundang Line.
Kinumpirma rin ng mga otoridad
na walang kasama sa krimen si Choi—na isang trabahador ng delivery industry.
Sa nasabing bilang ng mga
biktima, lima rito ang nasagasaan ito habang siyam naman ang direktang biktima
ng pananaksak.
Dagdag pa ng kapulisan, dalawang
biktima ang nasa kritikal na kondisyon.
Via Yonhap News Agency,
Channel News Asia
0 Comments