MGA BATANG PWD SA AKLAN, HINIHIKAYAT NA MAG-ARAL

 

Photo Courtesy | Mr. Arbie Samson

MGA BATANG PWD SA AKLAN, HINIHIKAYAT NA MAG-ARAL

 

 

Hinihikayat ng Persons with Disability Affairs Office (PDAO) ang mga batang may kapansanan sa probinsya ng Aklan na ipagpatuloy ang kanilang pag-aaral.

 

Ito ang inihayag ni Provincial PDAO Head Randy Anthony Rebaldo, sa panayam ng Radyo Bandera Sweet FM Kalibo.

 

Aniya, nagbibigay ang provincial government ng P3,000 hanggang P5,000 na financial assistance para sa mga batang PWD sa probinsya.

 

Patuloy din aniya ang suporta ng lokal na gobyerno sa mga PWD na humihingi ng tulong medikal at assistive device sa kapitolyo.

 

Maliban dito, meron ding scholarship program para sa mga PWD at maaaring mag-avail nito ang mga batang nakapag-enroll sa mga paaralan.

 

Magsasagawa rin aniya ng mga innovation ang lokal na pamahalaan upang palakasin ang mga PWD sa probinsya.

 

Katunayan, isinusulong aniya na mabigyan ng Sustainable Livelihood Program (SLP) ang mga PWD upang matustusan ang kanilang pang-araw-araw na pangangailangan.

 

Bukod dito, kinokonsidera rin aniya ang pagkakaroon ng check-up sa mga batang may kapansanan na walang kakayahang pumunta sa ibang lugar dahil sa kakulangan ng pinansyal.

 

Samantala, tiniyak din nito sa mga PWD na gagabayan at tutulungan ang mga ito sa kanilang mga pangangailangan. /Ni Jurry Lie Vicente