KILALANIN ANG MGA CELEBRITIES AT BEAUTY QUEENS NA NAMUKOD-TANGII SA GMA GALA 2023

TINGNAN | Mamangha sa iba’t ibang ganda ng mga kilalang artista at beauty queens na kanya-kanyang rumampa sa GMA Gala 2023 nitong Sabado, Hulyo 22.

Tampok sa GMA Gala ang mga Kapuso at Kapamilya Stars suot ang kani-kanilang naggagandahang kasuotan kaugnay sa temang modern architecture.

Mula kay Kylie Padilla hanggang kay Michelle Dee, naging agaw-pansin ang kanilang ganda na lumitaw sa nasabing aktibidad.

 

KYLIE PADILLA

‘Enchanting like a goddess’ kung ilarawan ang kagandahan ni Kylie Padilla sa suot nito kung saan inspirasyon ng aktres ang patok na fantasy series na ‘Encantadia’. Ang nasabing gown ay gawa ni Ehrran Montoya na isang off-shoulder sleeves at mayroong hanggang hita na taas ng slit. Pinalamutian din ito ng mga beads na nagpakinang sa damit.

 

GABBI GARCIA

Photo Courtesy from Preview

Isa pang ‘Encantadia Star’ ang naging agaw-pansin sa madla sa suot nitong white stringe ni Martin Bautista. Ang 24-anyos na si Gabbi Garcia ay walang takot na nagpakita ng kanyang kaseksihan kumpara sa nakaraang gala. Tampok sa overall look ng aktres ang ma-ala sirenang style ng curls sa suot nitong gown.

 

HEART EVANGELISTA

Photo Courtesy from PEP.PH

Inabot ng limang buwan ang ginugol upang matapos ang couture piece na gown na suot ng isang fashion icon at socialite na si Heart Evangelista. Sa kanyang red carpet interview, ikinukonsidera nitong ang kanyang suot ay isang kayamanan mula sa isa sa kanyang mga paglalakbay para sa Fashion Week.

 

VICE GANDA

Isa sa mga inaabangan ang paglitaw ng It’s Showtime host na si Vice Ganda sa GMA Gala 2023 sa pagsasanib ng Kapamilya at Kapuso stars magmula nang lumipat ang sikat na noontime show sa GTV.

Hindi rin papakabog ang Unkabogable Star sa kanyang lavish Neric Beltran gown na tinernuhan ng isang kamangha-manghang putting feather coat.

 

ANNE CURTIS

Hindi rin papahuli ang isa pang It’s Showtime host na si Anne Curtis sa kanyang simple at eleganteng suot na Saint Laurent number. Naging inspirasyon ng aktres ang hairstyle ng Hollywood star na si Audfrey Hepburn.

 

WINWYN MARQUEZ

Photo Courtesy from PEP.PH

‘Barbie Vibes’, paglalarawan sa suot ng Reina Hispanoamericana 2017 titleholder na si Winwyn Marquez. Naging agaw-pansin rin ang beauty queen nang ito’y sumalang sa red-carpet ng gala sa kanyang hot pink at black gown.

 

MEGAN YOUNG

Hindi naman papahuli ang Miss World 2013 na si Megan Young sa suot nitong Francis Librian gown kasama ang asawang si Mikael Daez. Ipinahayag ni Megan na pinili nitong iwan ang kanyang karaniwang “beauty queen-style at cinched waist look” para sa pagbabago.

 

MICHELLE DEE

Isa pang beauty queen ang umagaw sa spotlight sa GMA Gala 2023, walang iba kundi ang Miss Universe Philippines 2023 na si Michelle Dee. Lumitaw ang kakaibang ganda ng Pilipina sa suot niong gold Mark Bumgarner creation na nagrerepresenta ng kapangyarihan, class at elegante.