DSWD 6, NAGHIHINTAY PA NG SPECIFIC GUIDELINES SA PAG-IMPLEMENTA NG FOOD STAMP PROGRAM SA REHIYON

 

DSWD 6, NAGHIHINTAY PA NG SPECIFIC GUIDELINES SA PAG-IMPLEMENTA NG FOOD STAMP PROGRAM SA REHIYON

Ni John Ronald Guarin

 

Hinihintay pa ng Department of Social Welfare and Development (DSWD) 6 ang specific guidelines sa pag-implementa ng food stamp program ng gobyerno.

 

Ayon kay DSWD 6 information officer Atty. May Rago-Castillo, nalaman nilang isa ang field office 6 sa mga pilot area ng program at iimplementahin ito kasama ang protective service division ngunit wala pang detalye kung sino ang magiging benepisyaryo rito.

 

Sa ilalim ng nasabing programa, mamamahagi ang DSWD ng electronic benefit transfer (EBT) cards kung saan maglalagay sila ng food credits na nagkakahalaga ng ₱3000 kada buwan para makabili ang benepisyaryo ng iilang food commodities sa DSWD registered/accredited retailers.

 

Layunin ng food stamp program na mabigyan ng allowance ang mga mahihirap na pamilya na sumusuweldo ng ₱8000 pababa kada buwan.

 

Dagdag pa ni Atty. Castillo, habang wala pang specific guidelines, patuloy pa rin ang kanilang Pantawid Pamilyang Pilipino Program (4Ps).