BAGYONG EGAY, NILUBOG SA
BAHA ANG MGA APEKTADONG LUGAR SA HILAGANG LUZON
Ni Sam Zaulda
Sunod-sunod ang panawagan ng
tulong ng mga residenteng na-trapped sa kani-kanilang bahay sa may hilagang
bahagi ng Luzon dahil sa bagyong Egay.
Sa ilang post ng Philippine
Weather System/Pacific Storm Update, nakasaad rito ang pangangailangan ng
rescue ng ilang mga residente sanhi ng pagtaas ng libel ng tubig-baha kagabi sa
patuloy na pananalasa ng bagyong Egay sa hilagang bahagi ng Luzon.
Ilan sa kanila ay na-trap sa
kani-kanilang mga bahay at napapalibutan ng tubig habang ang ilan naman ay nasa
itaas na ng kanilang mga bubong.
Nito lang umaga, batay sa
ibinahaging mga larawan ng isang netizen, halos lubog na sa tubig-baha ang mga
kabahayan sa Sta. Rosa, Abulug, Cagayan at tanging mga bubong na lamang ang
makikita rito.
Bagama’t inaasahang lalabas na ng Philippine area of
responsibility (PAR) ang nasabing bagyo ngayong tanghali, may isa pang LPA ang
patuloy na binabantayan sa silangan ng Mindanao.
Kung saan, ayon sa Japan Meteorological Agency (JMA), ang
nasabing LPA ay mas lalo pang lumakas at isa nang ganap na bagyo.
.png)
.png)
0 Comments