UPDATE | BAGYONG MAWAR, MAS LUMAKAS HABANG PAPALAPIT NG PAR

Mas lumakas ang Super Typhoon Mawar habang papalapit sa Philippine area of responsibility (PAR), ayon sa Philippine Atmospheric, Geophysical and Astronomical Services Administration (PAGASA)

Batay sa 4am bulletin ng PAGASA, taglay na nito ang lakas ng hangin na 215 kilometro kada oras malapit sa gitna at bugso na umaabot ng 265 kilometro kada oras.

Huling namataan ang bagyo sa distansiyang 1,740 kilometro sa silangan ng Southern Luzon at kumikilos sa direksyon ng kanluran sa bilis na 20 kilometro kada oras.

Maaaring ngayon araw o bukas ay magtaas ng wind signals ang PAGASA dahil sa epekto ng bagyo.

Habang sa Linggo ng gabi ay posibleng makaranas ng matinding pag-ulan ang Hilagang Luzon.

Posible ring palalakasin nito ang habagat, na magdudulot ng pag-ulan sa kanlurang bahagi ng Central Luzon, Southern Luzon at Visayas simula sa Linggo o Lunes.

Ang Lungsod ng Maynila ay maaring makaranas ng maulap na panahon na may kalat-kalat na pag-ulan ngayon araw.

|Jurry Lie Vicente

Ang balitang ito ay hatid sa inyo ng:

#D3BIO

#DTX500

#PURECEE

#DTXCOFFEEMIX

Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan.

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!