P500-M, INILAAN NG OCD PARA SA RELIEF OPERATIONS DULOT NG BAGYONG BETTY

 

Inanunsyo ng Office of the Civil Defense na mayroong P500-milyong halaga ng quick response fund (QRF) ang gobyerno na nakalaan para sa kakailanganing relief operations ng mga maaapektuhan ng bagyong Betty.

Sinabi ni OCD administrator Undersecretary Ariel Nepomuceno na maaari itong hatiin sa Php256.2-milyon para sa standby QRF ng taong 2023 at Php244.7-milyon naman para sa nagpapatuloy na QRF mula noong nakaraang taon.

Maliban dito, mayroong kabuuang Php108.2-milyong halaga ng prepositioned non-food-items ang mga regional office ng OCD.

Ang nasabing pondo ay nakahanda nang ipamigay para sa mga apektadong komunidad habang ang iba pang pondo ng gobyerno ay nanatiling naka-standby kabilang na rito ang mga kagamitan sa emergency telecommunications, transportation assets at iba pa.

Samantala, nagtalaga naman ng kabuuang 1,679 na grupo ang Armed Forces of the Philippines, Philippine National Police, Bureau of Fire Protection at Philippine Coast Guard na naka-standby para sa search, rescue at retrieval operations.

Ang balitang ito ay hatid sa inyo ng:

#D3BIO

#DTX500

#PURECEE

#DTXCOFFEEMIX

Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan.

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!