Pinaalalahanan ni Senator Pia Cayetano ang Commission on
Higher Education (CHED) kaugnay ng polisiya nito na nagpapahintulot sa mga
higher education institutions (HEIs) na pansamantalang magpatupad ng 100
porsiyentong online classes sa gitna ng krisis sa langis at enerhiya.
Sa ilalim ng Memorandum from the Office of the Chairperson
No. 117, s. 2026 pinapayagan ang mga HEI na magpatupad ng full online delivery,
maliban sa laboratory at skill-based classes na mananatiling onsite o daraan sa
angkop na alternative modalities.
Bagama’t layon aniya ng polisiya na tiyakin ang learning
continuity at makatulong sa energy conservation efforts, dapat pa ring
pag-aralang mabuti ang posibleng pangmatagalang epekto nito sa pagkatuto ng mga
estudyante.
Ayon sa senadora, nananatiling seryosong suliranin ang
learning gaps sa education system ng bansa, kaya sa anumang pagbabago sa
learning modality ay dapat munang matiyak na tunay na natututo ang mga
estudyante.
Maliban dito, maaari rin aniyang unti-unting maging normal
ang isang polisiyang dapat sana’y pansamantala lamang.
Iginiit ni Cayetano na mahalaga pa rin ang face-to-face
learning hindi lamang para sa academic outcomes kundi maging sa disiplina,
engagement, at kabuuang development ng mga estudyante.
Dahil dito hinimok nya rin ang CHED at lahat ng HEIs na
magtakda ng malinaw na benchmarks, measurable learning outcome indicators, at
tiyak na review timeline upang matiyak na mananatili itong isang emergency
measure at hindi tahimik na magiging bagong pamantayan.
✍ TERESA IGUID
.png)
.png)
0 Mga Komento