MGA PRIBADONG PAARALAN HINDI OBLIGADO SA THREE-TERM CALENDAR- DEPED SECRETARY

Hindi obligado ang mga pribadong paaralan na sundin ang planong three-term school calendar ng Department of Education (DepEd).

 

Ito ang paglilinaw ni DepEd Secretary Sonny Angara kung saan mananatiling malaya ang private schools sa pagtakda ng kanilang academic calendar basta sumusunod sa curriculum at minimum na bilang ng school days.

 

Dagdag niya, marami na ring pribadong paaralan ang gumagamit ng three-term setup at hindi naman aniya ito katulad ng trimester system.

 

Sa ngayon pinag-aaralan aniya ng DepEd ang flexible learning options para sa private schools tulad ng in-person, work-from-home, o hybrid setup, lalo na kung may mga posibleng aberya tulad ng pagtaas ng gastos sa enerhiya.

 

✍TERESA IGUID