LIBU-LIBONG PASAHERO NAITALA NG PCG SA NALALAPIT NA SEMANA SANTA

 

Libu-libong mga pasahero sa pantalan ang nailista ng Philippine Coast Guard (PCG) sa ibat-ibang pantalan para sa Oplan Biyaheng Ayos: Semana Santa 2026.

 

Nabatid na nitong Marso 28 ng umaga, nasa 18,470 na ang mga outbound passengers habang 17,101 inbound passengers, base sa ulat ng PCG.

 

Mayroon ding 3,579 outbound na rolling cargoes at 4,852 inbound na rolling cargoes.

 

Napag-alaman na ang Coast Guard District Southern Tagalog ang nagtala ng pinakamataas na bilang ng pasahero, na may 5,183 outbound at 5,344 inbound na pasahero sa panahon ng monitoring.

 

✍TERESA IGUID