DOLE NAGPAALALA SA MGA EMPLOYER RE: TAMANG BAYAD SA MGA EMPLEYADO NGAYONG SEMANA SANTA

 Pinaalalahanan ng Department of Labor and Employment (DOLE) ang mga employer sa tamang benepisyo ng mga empleyado na papasok sa trabaho ngayong Semana Santa.

 

Ayon sa DOLE ang April 2 at 3 o Huwebes at Biyernes Santo ay idineklara bilang regular holiday.

 

Ang mga empleyado na hindi papasok sa nasabing petsa ay makakatanggap pa rin ng bayad at double pay naman sa mga magseserbisyo sa kanilang mga kumpanya

 

Makakatanggap naman ng karagdagang 30% sa kada oras na ipagsisilbi ng mga kawani na magtatrabaho ng lagpas sa 8 oras bukod sa hiwalay na 30% sa double pay na dapat tanggapin kung papatak ito sa kanyang araw ng pahinga o rest day

 

Samantala, ang mga magtatrabaho naman sa April 4 o Black Saturday na isang special non-working day , iiral ang patakarang – no work, no pay maliban kung may hiwalay na panuntunan sa CBA ng mga manggagawa at kung papasok naman ay may dagdag na 30% sa unang 8 oras.

 

May 30% din na dagdag sa bawat oras ng overtime habang may 50% ang karagdagang makukuha ng kawani na papasok sa naturang araw na kanyang rest day.

 

✍TERESA IGUID