Patay sa
engkwentro ang isang pulis matapos umano itong mangholdap sa isang convenience
store sa bayan ng Marilao, Bulacan.
Batay sa ulat,
pumasok sa naturang tindahan ang isang ranking officer mula sa Caloocan City
Police Station at nagpanggap bilang customer. Ilang sandali pa, bumunot ito ng
baril at nagdeklara ng holdap.
Natangay ng
suspek ang humigit-kumulang ₱200,000 na kita ng tindahan bago mabilis na
tumakas sakay ng kanyang motorsiklo.
Agad namang
naglunsad ng hot pursuit operation ang Marilao Municipal Police Station at
natunton ang ginamit na motorsiklo ng suspek. Nang tangkain siyang pahintuin ng
mga awtoridad, nagpaputok ito ng baril, dahilan upang gumanti ng putok ang mga
pulis.
Tinamaan ang
suspek at agad na dinala sa ospital ngunit idinineklarang dead on arrival.
Kinilala ang
nasawing suspek bilang isang Police Captain na nakatalaga sa Caloocan City
Police Station at residente ng Barangay Gaya-Gaya, San Jose del Monte, Bulacan.
Patuloy pa
ang imbestigasyon ng mga awtoridad upang alamin ang motibo at iba pang detalye
kaugnay ng insidente.
.png)
.png)
0 Comments