Nag-isyu ng
‘immediate suspension’ ang Department of Environment and Natural Resources
(DENR) sa lahat ng gawaing konstruksyon sa Monterrazas development sa Cebu.
Ayon sa DENR,
may mga nakitang paglabag sa batas pangkalikasan ang proyekto kaya’t
isasailalim ito sa imbestigasyon.
Batay sa
ulat, kabilang sa mga paglabag ang umano’y pagputol ng 734 puno sa loob ng 140
ektaryang lupain, ngunit 11 lamang ang naitala sa dokumentasyon.
Nabatid din
na 10 sa 33 kondisyon sa amended Environmental Compliance Certificate (ECC) na
ibinigay sa developers ang hindi nasunod. Dahil dito, naglabas ang
Environmental Management Bureau (EMB) ng violation at stoppage order laban sa
proyekto.
Dahil sa
hindi pagsunod sa ECC, maaari itong maharap sa multa sa ilalim ng Presidential
Decree 1586 o Environmental Impact Statement System, kabilang na ang ₱50,000 na
penalidad sa bawat paglabag.
Nakita rin
umano ang kakulangan ng discharge permits na kailangan sa ilalim ng Clean Water
Act.
Samantala,
ang Monterrazas project na konektado kay Slater Young ay nakatanggap ng batikos
online matapos ang malawakang pagbaha sa Cebu kasunod ng pananalasa ng bagyong
Tino.
.png)
.png)
0 Comments