"I CONDEMN CORRUPTION" - ELLIS CO, LABAN SA AMA NIYANG SI REP. ZALDY CO

 

 

Nagsalita na si Ellis Co, anak ni Ako Bicol Party-list Rep. Zaldy Co, kaugnay ng kontrobersiyang kinasasangkutan ng kaniyang ama.

 

Sa isang Instagram post, ipinahayag ni Ellis ang kaniyang pakikiramay sa mga Pilipino at matinding pagkondena sa anumang anyo ng korapsyon.

 

"I condemn corruption in all its forms. I understand the anger and disgust. The hate is MORE than valid… I am only speaking out now because I needed the time to have a firm grasp of the situation," ani Ellis.

 

Ibinahagi rin niya na nito lamang umano niya nalaman ang mga alegasyon laban sa kaniyang ama. Inilarawan niyang hindi sila naging malapit at lalong lumabo ang kanilang relasyon nang pumasok ito sa politika.

 

Aminado si Ellis na nahihiya siya sa sitwasyon at nananawagan na mailabas ang katotohanan. Hinikayat din niya ang kaniyang ama na humarap sa publiko at sagutin ang mga akusasyon.

 

"I am not just speaking out against a politician; I am speaking out against my father. And if this decision gets me disowned, I would rather face that consequence than watch millions of people suffer from his actions," dagdag pa niya.

 

Matatandaang nahaharap si Rep. Zaldy Co sa mga akusasyon ng pagtanggap ng milyon-milyong kickback mula sa umano’y “ghost” at substandard projects, kabilang na ang mga iregularidad sa national budget.