MATTRESS NA PUNO NG NAPKIN AT DIAPER, IKINADISMAYA NG ISANG NETIZEN

 

Dismayado ang isang netizen nang madatnan nitong puro napkin at diaper ang binili nitong mattress sa halip na foam.

Sa post, ibinahagi ni Michelle Abuzo Oliveros ang naging karanasan nito sa nabiling mattress dahil sa pag-aakalang ito’y gawa sa totoong foam.

Ngunit, nang tinanggal nito ang sapin ng foam ay tumambad sa kaniya ang mga dinikit dikit na mga napkin at diaper.

“Shout out sa nagbenta ng kama namin, sana ma-karma kayo! Next time mag-ingat na tayo sa mga nagbebenta ng kama!,” panawagan nito sa seller na kaniyang binilhan ng mattress.

Umaasa naman si Oliveros na makakuha siya ng refund at maparusahan ang seller na nang-scam sa kaniya.

Samantala, ang naturang karanasan ay isang paalala sa lahat na maging maingat at suriing mabuti ang mga bagay na bibilhin.