Nahaharap sa
kaliwa’t kanang batikos ang mga pet owner na nilalagay ang kanilang alagang
hayop sa loob ng grocery carts.
Ito’y matapos
mag-viral ang larawan ng mga aso na nasa loob ng magkahiwalay na grocery carts
sa isang mall.
Ayon sa post,
nagulat ang uploader na hindi man lang sinita ng mall o ng store staff ang
pagpasok ng aso sa supermarket na prenteng nakapwesto sa loob ng grocery carts.
“The grocery
cart is for food, not pets,” mababasa sa caption. “Allowing animals in them can
compromise hygiene and food safety, especially for fresh produce.”
Dagdag pa
rito, kapag nagpatuloy ang ganitong insidente ay oras na aniya para magpatupad
ng mahigpit na pagbabawal sa mga alaga.
Sinang-ayunan
naman ito ng mga netizens at sinabing isang “unhygienic” ang nasabing
pangyayari dahil sa posibilidad na magiging panganib ito sa ibang mamimili na
gagamit ng kaparehong carts.
“There are
places where it’s just not appropriate to bring a dog, especially when food is
involved,” komento ng isang user.
May ilan ding
nagsabi na tila naabuso na sa Pilipinas ang “pet-friendly” trend dahil sa
pagsasawalang-bahala ng ilang mga owner sa basic rules sa sanitation at public
courtesy.
.png)
.png)
0 Comments