FIRST-EVER SPERM RACE, GAGANAPIN SA LOS ANGELES

 

Gaganapin sa kauna-unahang pagkakataon ang “sperm race” sa Hollywood Palladium sa Los Angeles, California sa April 25.

Kung saan, isang paraan ang “Sperm Race” upang gawing malusog ang reproductive health habang tinutugunan ang bumababang rate ng fetility.

Ang “sperm race” ay inorganisa ng Sperm Racing, isang startup na itinatag ng isang grupo ng mga batang milyonaryo.

Kaugnay nito, inanunsyo ng grupo na ang mga kinatawan mula sa dalawang kalahok na mga paaralan ay magbibigay ng microscopic swimmers para sa inaugural Sperm Race.

Isasailalim ang paligsahan sa isang microscopic camera na magsusubaybay sa progreso ng sperms habang sinusubukan nilang tumawid sa finish line.

Nakatakdang gumawa ng kasaysayan ang “sperm race” bilang unang competitive sperm motility showdown sa buong mundo.

Dagdag pa rito, inaasahan na mahigit 1,000 na mga spectators ang magtitipon-tipon para sa naturang event.

Samantala, binigyang-diin ni co-founder Eric Zhu na ang sperm racing ay hindi lang tungkol sa pagkarera ng mga sperm kundi “It's about turning health into a competition. it's about making male fertility something people actually want to talk about, track and improve."