CHINESE SHIP CAPTAIN, KINASUHAN NG TAIWAN

 

Kinasuhan ng Taiwan ang kapitan ng isang barko na pagmamay-ari ng isang Chinese matapos ang umano’y pagputol nito sa undersea telecoms cable mula sa nasasakupang isla.

Sa ulat, kinasuhan si Wang ng paglabag sa Taiwan's Telecommunications Management Act for "destroying submarine cable-related facilities".

Ito’y matapos maispatan ang cargo ship na Hongtai ni Wang na umaaligid sa six nautical miles northwest ng Jiangjun Fishing Port.

Agad silang nasita ng coast guard matapos na makitang ang kable na kumukunekta sa Penghu archipelago at Taiwan ay naputol.

Ayon sa prosecutor, sinabi ni Wang na inatasan nito ang kaniyang mga crew na ilabas ang anchor claw sa tubig at nilinaw nitong wala siyang intensyon na sirain ang undersea cable.

Dagdag pa rito, iginalaw pa umano ni Wang ang barko ng pa-zigzag sa taas ng cable at gumamit ng anchor claw upang putulin ang nasabing kable.

Nasira at nagdulot ng epekto ang naturang insidente sa komunikasyon sa pagitan ng Taiwan at Penghu.

Samantala, kapag napatunayang nagkasala si Wang ay mahaharap ito sa humigit-kumulang pitong taong pagkakakulong habang hindi naman sasampahan ng kaso ang pito pang crew members.