32-ANYOS NA BIKTIMA, SINAKSAK-PATAY DAHIL SA PUSTAHAN SA BASKETBALL

 

Patay ang 32-anyos na lalaki matapos itong pagsasaksakin ng suspek dahil sa hindi pagkakasundo sa pustahan sa basketball.

Nangyari ang insidente sa Barangay Talang, San Carlos City, Pangasinan.

Sa ulat, naglalaro ng basketball na may pustahan ang biktima at suspek.

Natalo sa laro ang suspek at noong siningil na sa bayad ay tumanggi ito.

Dito na nagsimula ang mainit na tensyon sa biktima at kalaro nitong anak ng suspek hanggang sa sumali na ang ama at dito sinaksak ang biktima.

Tinamaan sa tyan ang biktima dahilan na isinugod ito sa ospital ngunit pumanaw na din ito.

Tinutugis naman ng mga kapulisan ang suspek na agad tumakas matapos mangyari ang krimen.

Nanawagan naman ng hustisya ang mga kaanak ng biktima.