BABAAN ANG PRESYO NG MGA BILIHIN, NANGUNGUNANG PRAYORIDAD NG ADMINISTRASYONG MARCOS - HOUSE SPEAKER MARTIN ROMUALDEZ

 

Mananatiling prayoridad ng administrasyong Marcos ang pababain ang presyo ng mga bilihin, ayon kay House Speaker Martin Romualdez.

Ito’y matapos nadiskubre na nanganganib pa din ang ekonomiya ng Pilipinas dahil sa pagtaas ng inflation rate.

Sa pinakabagong datos, bagama’t nananatili sa 2.9% ang inflation nitong Enero 2025, umakyat naman sa apat na porsyento ang inflation sa pagkain na sumasalamin sa kahinaan ng suplay sa bansa.

Batay sa Moody’s Analytics, isa sa mga dahilan nito ay ang pandaigdigang alitan sa kalakalan at mga hamon sa loob ng bansa tulad ng hindi inaasahang bagyo na nakakaapekto sa produksyon sa agrikultura.

Binigyang-diin naman ni Romualdez na sa kabila ng nakikitang solusyon sa short-term shortages ay hindi pa rin ito sapat na mapunan ang long-term food security na nakadepende pa din sa pag-boost ng domestic agricultural production.

Dahil dito, kinailangan aniya na mag-invest ang bansa sa modernization ng agrikultura mula sa pagpapatibay ng biosecurity sa pagpapalago ng mga hog raisers.