PAGPAPALABAS NG MAHIGIT P30-BILYONG HALAGA, INAPRUBAHAN NG DBM PARA SA PENSION NG MILITAR AT UNIFORMED PERSONNEL PARA SA UNANG QUARTER NG 2025

 

Inaprubahan ni Department of Budget and Management (DBM) Secretary Amenah "Mina" F. Pangandaman ang paglabas ng P30.409-bilyon upang punan ang regular na pension ng mga militar at uniformed personnel (MUP) para sa unang quarter ng taong 2025.

Ito’y alinsunod sa direktiba ng Pangulong Ferdinand “Bongbong” Marcos, Jr.

Ayon kay Mina, ang pension ng mga nagretirong MUP ang kanilang inaasahan upang masiguro na matustusan ang pang-araw-araw na pangangailangan.

Ang naturang halaga ay sisingilin sa Pension and Gratuity Fund (PGF) sa ilalim ng Republic Act (RA) No. 12116 o ang FY 2025 General Appropriations Act (GAA).

Nauna nang inilabas ng ahensya ang kabuuang P16.752-bilyon sa Armed Forces of the Philippines – General Headquarters- Proper at sa Philippine Veterans Affairs Office sa ilalim ng Department of National Defense (DND).

Samantala, kabuuang P13.297-bilyon ang ibinigay na sa mga ahensya sangay ng Department of Interior and Local Government (DILG), tulad ng Philippine National Police, Bureau of Fire Protection, Bureau of Jail Management and Penology, at National Police Commission.