P2.65M HALAGA NG SHABU, NADISKUBRE SA MGA COFFEE BEAN POUCHES

Nasabat ng Bureau of Customs – Port of Clark ang apat na pouches ng Methamphetamine Hydrochloride o mas kilala bilang “Shabu” na may halagang aabot sa P2.65 milyon.

Sa ulat ng BOC, ang shipment ng naturang package ay sa United States at idineklarang mga “Gift Items Coffee Bags (Variety), Candy or Snacks”.

Nang maisailalim sa X-ray inspection ang nasabing shipment ay dito na natagpuan ang ilang gift items at coffee bags kung saan nakatago sa coffee bags ang apat na vacuum-sealed transparent pouches ng Methamphetamine Hydrochloride “Shabu”, na may bigat na 390 grams.

Kinumpirman naman ng Philippine Drug Enforcement Agency (PDEA) na ito’y shabu ay nahahanay sa dangerous drug sa ilalim ng amended R.A. No. 9165.

Dahil dito, mahaharap sa paglabag sa Section 118(g), Section 119(d), at Section 1113 paragraphs f, i, and l (3 and 4) of R.A. No. 10863, o ang Customs Modernization and Tariff Act (CMTA), alinsunod R.A. No. 9165 ang nasabing shipment.