LALAKI, NAG-MUKBANG NG HOLLOW BLOCKS

 

Kumasa sa “mukbang challenge” ang isang content creator sa Iloilo kung saan hinamon siyang kainin ang hollow blocks.

Ayon sa ulat, ginawa ni Jekerie Bendanillo ang hamon upang makakuha ng maraming views at makaipon ng social media engagement mula sa publiko.

Dagdag pa rito, naisip nitong kainin ang hollow blocks dahil sa hiniling umano ito ng isa sa kaniyang follower sa social media.

Bagama’t hindi naman nito kinakain ang hollow blocks, may pagkakataon pa ding nalalasahan niya ang sebo ng semento kung kaya’t pinapahiran niya ito ng margarine.

Kapag mabilis siyang ngumuya, may mga pagkakataong bumabara na ito sa kaniyang lalamunan.

Aminado naman si Bendanillo na mapanganib ang pagkain ng hollow blocks ngunit ito lang aniya ang kaniyang paraan upang mapunan ang pangangailangan ng pamilya lalo na’t kumikita ito ng P8,000 pataas sa pagiging content creator.

Samantala, hindi naman ipinaalam ni Bendanillo ang kaniyang pag-mukbang ng hollow blocks sa kaniyang asawa.