6-ANYOS NA BATA, PATAY SA PAGBANGGA NG SUV SA MOTORSIKLO

 

Patay ang 6-anyos na batang babae matapos mabangga ng isang SUV ang motorsiklo sa Naga, Cebu.

Ayon sa ulat, tumilapon ang mga pasaherong sakay ng motorsiklo dahil sa malakas na banggaan.

Nakaligtas sa insidente ang mga magulang ng bata ngunit ang ama nito’y nasa kritikal na kondisyon.

Ipinahayag ng lolo ng bata na malubha ang natamong sugat ng bata matapos umanong madurog ang katawan ng bata sa nangyaring pagbangga ng SUV.

Nakatakda namang magsampa ng kasong reckless imprudence resulting in homicide, physical injury, at damage to property ang pamilya ng biktima laban sa drayber ng SUV.

Humingi naman ng tawad ang 21-anyos na suspek at inaming nakatulog ito habang nagmamaneho dahil sa pagpupuyat sa burol at libing ng nanay nito.

Napag-alaman na kukuha lang sana ng mga regalo ang bata nang mangyari ang insidente.