LIZA SOBERANO, TAMPOK SA MUSIC VIDEO NG THAI STAR NA SI BRIGHT VACHIRAWIT

 

Tampok si Liza Soberano sa pinakabagong music video ni Bright Vachirawit, isang aktor sa Thailand.

Kung saan, gumanap na muse si Liza sa bagong inilabas na single ni Bright na “Long Showers”.

Marami namang netizens ang humanga sa hindi maikakailang visual at chemistry ng dalawa. Umaasa pa ang mga tagahanga nito magkasama sina Liza at Bright sa isang series.

Sa Instagram ni Liza, ibinahagi nito ang ilang mga larawan ng behind-the-scenes mula sa naturang collaboration na inilabas sa ilalim ng US-based record label 88rising.

Pumirma si Liza sa WILD, isang talent management group na nakabase sa Singapore, nitong Oktubre kasunod ng kaniyang pag-alis sa Careless management team ni James Reid.

Samantala, si Bright ay nakilala sa kaniyang mga pagganap sa BL series na “2gether,” at “F4 Thailand; Boys Over Flowers.” Kamakailan, bumidad ito sa pelikulang “Love You To Debt.”