Viral ngayon ang isang Pinay student nurse dahil sa
kaliwa’t kanang pamba-bash ng mga netizens matapos kunan ang isang sensitive video
sa ospital.
Kinilala itong si Juilliana Villafuerte, isang content
creator at student nurse.
Sa video, ipinakita ni Villafuerte ang isang clip na may
text na “a patient flatlined”. Bagama’t hindi nito ibinunyag ang pangalan at
mukha ng pasyente, maraming netizens ang umalma lalo na’t masyadong umano itong
personal at kawalan ng galang sa nasabing pasyente at pamilya nito.
Dagdag pa rito, nilalaman din ng video ang pagpapaliwanag
ni Villafuerte ukol sa karaniwang kinahinatnan ng buhay ng tao, kung gaano ito
kabilis pumanaw. “The
patient’s family members came to the ER weeping and that’s when it hit me, how
life is just so short.”
Ngunit, sa kabila nito ay maraming netizens ang nadismaya
sa kaniyang napiling ibahagi sa social media.
Tampok pa sa video ni Villafuerte ang pag-iyak nito nang
alalahanin ang mga pinagdaanang hirap sa trabaho subalit sinundan naman ito ng
mga sensitive footages.
Kaugnay nito, nakatanggap ito ng kritisismo at binansagan
siyang “Flatline Queen”.
Samantala, ayon sa mga ulat, isang reklamo ang isinampa
ng isang netizen kasama ang PRC laban kay Villafuerte sa paglabag sa nursing
ethics.
0 Comments