FOOD SUPPLIES NG MGA SUNDALONG PINOY, INAGAW AT TINAPON NG CCG

Nagmamadaling kinuha ng China Coast Guard sakay ng rigid hull inflatable boats (RHIBs) ang mga suplay na pagkain na inihatid para sa mga sundalong Pinoy na nakatalaga sa BRP Sierra Madre sa Ayungin Shoal noong Mayo.

Maliban sa pag-agaw ay itinapon pa ng CCG ang mga ito sa pag-aakalang construction materials ang laman ng mga food packages.

Ayon Commodore Roy Vincent Trinidad, PN spokesperson for WPS, wala aniyang “common sense” ang CCG dahil hindi naman maaaring ma-airdrop ang mga construction materials.

Bagama’t nakakuha umano ng isa mula sa apat na mga food packages ang ilang tauhan ng China, tiniyak naman ni AFP Chief General Romeo Brawner Jr. na puro pagkain ang laman ng mga iyon.