TATAY NA NANAGA SA ANAK, NAGPAHAYAG NG PAGSISISI

 

Nagpahayag ng pagsisisi ang ama ng 16-anyos na binatilyong tinaga dahil sa flashlight, sa Brgy Kinalangay Viejo, Malinao.

 

Sa panayam ng K5 News Team sa suspek, sinabi nito na napikon lamang siya dahil sa kakulitan ng anak na noon ay nasa ilalim din ng nakakalasing na inumin katulad nito.

 

Aniya, una na nitong sinabihan ang anak na matulog na dahil malalim na ang gabi ngunit kinuha pa aniya nito ang flashlight at binutingting na tila may plano pang umalis muli.

 

Dito na aniya siya napikon at agad na kinuha ang kaniyang itak at tinaga ang anak para matigil na ito.

 

Kaugnay nito, inihayag din ng suspek na wala itong balak na tapusin ang buhay ng anak at handa rin aniya itong harapin ang kaukulang kaso na posibleng isampa dito. |TERESA IGUID