KALIBO MAYOR SUCRO HANDANG IPALIWANAG SA MGA CHINESE NA TERITORYO NG PILIPINAS ANG KANILANG KINALALAGYAN

 

“Ipapakita ko po sa kanila ang mapa at ipapaliwanag na ang kanilang tinutungtungan sa mga oras na ito ay sakop ng exclusive economic [zone] ng Pilipinas.”

 

Ito ang matapang na naging tugon ng alkalde matapos matanong kung ano ang kaniyang sasabihin sakaling mabigyan ng pagkakataon na makalapit sa isang Chinese sa Bajo de Masinloc sa West Philippine Sea kasunod ng isasagawang 2nd Civillian Resupply Mission, ngayong araw.

 

Sa special coverage ng K5 Philippines, muli din nitong ipinunto ang layunin ng paglalayag na hindi para sa anumang gulo bilang ganti sa mga pang-haharass sa mga mangingisdang Pinoy, kundi para lamang magpaabot ng tulong at maipakita ang pagdepensa sa teritoryo ng bansa.

 

Dagdag pa ni Sucro na ang pagnanais nitong personal na matunghayan ang sitwasyon sa lugar ay para din sa ilang paghahanda sa hinaharap lalo na at nasa kanlurang bahagi ng bansa ang Probinsya ng Aklan.

 

Samantala, nagpahayag din ito ng kahandaan sa anuman ang posibleng mangyari sa kanilang pupuntahan bagama’t umaasa pa rin aniya ito sa matagumpay at ligtas na paglalayag. |TERESA IGUID