BULKAN SA ICELAND, SUMABOG

 

Sumabog sa ikalimang beses mula noong buwan ng Disyembre ang bulkan sa southwestern Iceland.

Makikita sa mga larawan ang mga lava na umapaw at isang banta sa baybaying lugar ng Grindavik at lumikas sa sikat na Blue Lagoon geothermal spa.

Nagsimula ang pagsabog matapos ang sunod-sunod na lindol sa hilagang bahagi ng lugar kung saan karamihan mga residente ay lumikas noong Disyembre.

Ang naturang pagsabog sa Iceland ang pinakamalakas na may lava shooting na 50 meters sa kalangitan mula sa isang fissure na lumago hanggang sa 3.5 kilometers ang haba.

Nitong Pebrero at Marso ay muling sumabog ang nasabing bulkan kung saan binalot nito ang pipeline na naging dahilan sa kawalan ng mainit na tubig sa libo-libong tao.

Samantala, matatagpuan ang Iceland sa taas ng isang volcanic hot spot sa North Atlantic na nakakaranas ng pagsabog ng bulkan at isa sa mga nakakagimbal ay noong 2010 nang sumabog ang bulkan ng Eyjafjallajokull.