PAPATOL KA BA SA NAPAKAGANDANG SPANISH MODEL NA HINDI TAO?

 

Photo Courtesy: fit_aitana/Instagram

Hinahangaan ng mga netizens sa bansang Spain ang isang digital content creator at model na si “Aitana Lopez”.

Sa taglay ba namang ganda ng model, sino ang hindi mahuhumaling?

Photo Courtesy: fit_aitana/Instagram

Ngunit sa likod ng napakagandang imahe ng 25-anyos na model ang lihim na hindi pala ito tao kundi gawa lamang ng AI o artificial intelliegence.

Sa Instagram account ni Aitana, mayroon itong 306k followers at isa siyang “gamer at heart” at “fitness lover”.

Binansagan din ang 25-anyos pink-haired woman na “Barcelona’s Digital Muse”.

Si “Aitana Lopez” ay obra ni Rubén Cruz, founder at designer ng “The Clueless” agency.

Photo Courtesy: fit_aitana/Instagram

Sa isang ulat, naisipan daw nilang gumawa ng sariling AI influencer/model dahil laging nagkakaroon ng mga aberya sa mga “tunay na taong” influencers at models na kinukuha nila.

Kaya naman, naisipan nilang isilang si Aitana, isang 25-anyos na pink-haired woman na may magandang pangangatawan.

Napag-alamang si Aitana ay may kakayahang kumita ng €10,000 buwan-buwan o mahigit ₱608k sa Philippine peso.

Ayon kay Cruz, mas mainam na raw si Aitana kaysa sa influencers o models na “mahirap kausap.”

Photo Courtesy: fit_aitana/Instagram

Dahil dito, ikinababahala ang posibilidad na pagdating ng araw na mawalan ng trabaho ang mga tunay na influencers, celebrities, o models na puwedeng mag-endorso dahil gagawa na lamang ng AI.