BABAE, TAKOT MATAMBAKAN NG TRABAHO; KATRABAHONG BUNTIS, SINUBUKANG LASUNIN

Photo Courtesy: SCMP composite/Shutterstock/Weibo

 

Sinubukan umanong lasunin ng isang babae sa China ang kaniyang katrabaho na buntis upang hindi ito makapag-maternity leave.

Sa isang ulat, namataan sa isang video ang isang empleyado ng gobyerno sa China na tumungo sa mesa ng katrabaho at sinubukang lagyan ng isang parang pulbos ang inumin nito.

Nang mapansin ng biktima ang kakaibang lasa ng inumin nito ay una nitong pinaghinalaan ang kanilang water supply ngunit nananatili pa rin ang kakaibang lasa nito.

Kaugnay nito, isang joke mula sa kaibigan ang naalala ng biktima na posibleng mayroong nakialam sa inumin nito kung kaya’t agad itong nag-video sa kaniyang mesa at dito na nahuli ang kaniyang katrabaho na salarin sa naturang pangyayari.

Depensa ng katrabaho nito na hindi niya kayang mag-isa ang trabahong itatambak sa kaniya kung sakaling mag-maternity leave ang kasama nito dahilan na nagawa ang tangkang paglason.

Kaagad namang ini-report ng biktimang buntis ang kasamahan sa pulisya.

Ayon sa isang abogado, posibleng mahaharap sa isang crime of injury ang suspek kapag napatunayan ang intensyon nito na manakit kahit na ang bagay na iyon ay isang toxic o hindi.

Mabilis namang nag-viral sa social media sa China ang nasabing insidente at kinondena ang ginawa ng suspek.

“We’re all here just trying to earn our bread, why be so malicious? She is too dark,” komento ng isang user.

“How did such a person even get through the exams to work at a government-linked institution?" sabi pa ng isa. "It seems exams can only weed out academically poor candidates, not the morally corrupt."