‘SELOS’, TINANGGAL MUNA SA LAHAT NG STREAMING PLATFORMS

 

Kinumpirma ng AHS Productions na tinanggal na sa lahat ng streaming platforms ang kantang “Selos” ni Shaira.

Ito’y matapos batikusin ng madla ang naturang kanta dahil sa isyung copyright.

Pahayag ng AHS, aminado silang ginamit nilang melody sa kanta ay mula sa orihinal na awiting may pamagat na “Trouble is a Friend” ni Lenka.

Kung kaya’t nakikipag-unayan na ang kanilang grupo para gawing official cover ang kantang “Selos”.

Nag-viral ang naturang kanta sa iba’t ibang social media platforms at ginagamit na ng karamihan bilang background sa kanilang parody video.

Samantala, umaasa naman ang AHS na sa oras na mare-upload ang nasabing kanta ay mahalin at tanggapin ito ng mga netizen.