SARAH G, KINILALA BILANG WOMAN OF THE YEAR NG BILLBOARD PHILIPPINES WOMEN IN MUSIC AWARDS

Iginawad sa Popstar Royalty na si Sarah Geronimo ang Global Force Award sa Los Angeles, California, matapos na muli itong gumawa ng kasaysayan makaraang hirangin bilang kauna-unahang Woman of the Year ng Billboard Philippines Women in Music Awards.

Sa kaniyang acceptance speech, sinabi nitong umaasa siya na patuloy na magsusuportahan ang bawat Filipino artists sa isa’t isa upang mas maiangat pa ang kalidad ng musikang Pilipino.

Kaugnay dito, kabilang din sa mga pinarangalan si Asia’s Songbird Regine Velasquez na tumanggap ng Powerhouse award dahil sa malaking impluwensiya ng singer sa musikang Pilipino.

Ginawaran din si Asia’s Queen of Songs Pilita Corrales ng Icon award habang ipinagkaloob naman kay Moira Dela Torre ang Hitmaker award.

Samantala, personal ding tinanggap ng indie artist na si Ena Mori ang Rulebreaker award. Habang ang 8-member girl group naman na Bini ay ginawaran ng Rising Stars award.