REMINISCE THE OLD BORACAY...

 

PANA-PANAHON ANG PAGKAKATAON… MAIBABALIK BA ANG KAHAPON…

Ka-K5, na-miss niyo ba ang dating mukha ng Boracay?

Tara at ating balikan ang ipinagmamalaking Boracay Island ng Aklan.

Noon, nung hindi pa masyadong kilala ang isla ng Boracay, inaabot sa dalawa at kalahating oras ang byahe papunta sa isla.

Walang jetty port, walang billboards at wala ding mga mangangalakal.

Wala ding makikitang turista o residente sa isla, kundi tanging madilim na dalampasigan ng Caticlan sa gilid ng mainland na nababalot ng matataas na puno at mga damo ang masasaksihan.

Ang Boracay noon ay isang napakalungkot na isla dahil sa ito’y hiwalay sa mainland at kung minsan pa’y hindi mapupuntahan.

Hindi rin inirekomenda ang pagtawid dito dahil sa matataas na alon ngunit kapag ang panahon ma’y bumalik sa normal, kinakailangan pang maghintay ng ilang oras sa pagdating ng maliit na bangka na maghahatid patawid sa isla.

Sa isang pahayag, ang mga Ati ay umaasa sa pangingisda na dinagdagan ng mga taniman ng niyog, kamoteng kahoy at patatas hanggang noong dekada ng 1940 at 1950 sa maliit ngunit magandang isla na ito.

Lumipas ang ilan pang dekada, wala pa ring elektrisidad sa lugar at hindi pa rin ito nakikilala. Hanggang sa ito’y naidskubre ng mga backpacker at sumikat sa pamamagitan ng isang travel book na inilathala ng isang manunulat na German na si Jens Peter.

Laman ng libro ang kasaysayan ng Boracay at tinawag itong pinakamagandang isla sa buong Asya.

Kinunan din ito ng iba’t ibang litrato at ginawan ng postcards na nakatulong sa unti-unting pag-unlad ng isla na maging hangout ng mga bakpackers noong 1980 at kinalaunan ito’y kinikilala na bilang isa sa mga pangunahing tourist destinations ng Pilipinas.

Ipinagmamalaki sa isla ng Boracay ang powder-soft at puting buhangin, at ang malinaw na blue-green waters.

Sa kabila ng kasikatan ng isla, nananatili pa ring isang mabisang lugar ang Boracay sa mga gustong mag-relax, mag-enjoy at magkaroon ng privacy.

Ito ang klase ng ambiance na binabalik-balikan ng mga turista gayundin ng mga dayuhan.

Kaya mga ka-K5, simulan ng bumuo ng magagandang alaala sa isla ng Boracay!