P7.2 MILYONG PINATUYONG MARIJUANA, NASABAT SA BENGUET

Narekober sa anti-narcotics operation sa Kennon Road sa Tuba, Benguet kahapon ang mga tuyong dahon ng marijuana na nagkakahalaga ng P7.2 milyon.

Sa isag ulat, inaresto si Arnel Guidayos, 26-anyos at residente ng bayan ng Kibungan matapos magbenta ng 60 piraso ng pinatuyong dahon at tangkay ng marijuana sa isang undercover agent.

Matagumpay na naisagawa ang operasyon ng mga miyembro ng Philippine Drug Enforcement Agency sa Calabarzon at Cordillera.

Samantala, nakumpiska naman sa Bataan ang shabu na nagkakahalaga ng P2.3 milyon mula sa dalawang "high-value" na suspek na hindi pa nakilala sa Barangay Mt. View sa bayan ng Mariveles.

Habang, boluntaryo ring isinuko ng mga suspek sa pulisya ang .45 pistol.