MAGNITUDE 4.1 NA LINDOL, NARAMDAMAN SA DAVAO DE ORO

Niyanig ng 4.1 magnitude na lindol kaninang 4:49 ng umaga ang probinsya ng Davao de Oro.

Ayon sa Philippine Institute of Volcanology and Seismology (PHIVOLCS), naitala ang epicenter ng lindol 4 kilometro ang layo sa timog-silangan ng New Bataan, Davao de Oro, na may lalim na 2 kilometro.

Nakapag-record naman ng Instrumental Intensity III ang PHIVOLCS sa lugar ng Nabunturan, Davao de Oro.

Bagama’t malakas ang pagyanig, wala namang inaasahang posibleng aftershocks na lindol ang Phivolcs.

Hindi rin umano inaasahang magdudulot ng pinsala ang nasabing pagyanig. |SAM ZAULDA