FDA, NAGBABALA SA PUBLIKO SA PAGBILI NG HINDI REHISTRADONG PRODUKTO

Nagbabala ang Food and Drug Administration (FDA) sa publiko laban sa pagbili at paggamit ng mga hindi rehistrado na pagkain na walang mahigpit na evaluation process ng ahensya.

Ito ang produktong “WANRENTANG Barley Seedling Powder Solid Drink.”

Isiniwalat ito kasunod ng isinagawang online monitoring at port-marketing surveillance ng FDA kung saan nasuri ang nasabing produkto na hindi rehistrado at hindi nabigyan ng Certificate of Product Registration.

Batay sa Republic Act No. 9711 o Food and Drug Administration Act of 2009, mahigpit na ipinagbabawal ayon sa FDA ang anumang aktibidad na may kaugnayan sa pagbenta, pag-import, pag-export, pamamahagi, pag-promote o pag-sponsor ng helath products na walang kaukulang authorization.

Paalala ng FDA, ang hingi pagsunod sa nasabing paalala ay magreresulta sa regulatory actions at sanctions. | JURRY LIE VICENTE