Nanindigan ang isang lider ng Ati Community sa isla ng
Boracay na legal na ibinigay sa kanila ni dating Pres. Rodrigo Duterte ang Certificate
of Land Ownership Awards (CLOA) o isang dokumentong nagsasaad ng pagmamay-ari
ng lupang ipinagkaloob sa benepisyaryo ng Department of Agrarian Reform (DAR).
Ito ang inihayag ni Maria Tamboon, lider ng Ati Community
sa Boracay sa panayam ng Radyo Bandera Sweet FM Kalibo.
Aniya, hindi na dapat i-kansela ang CLOA na iginawad sa
kanila ni Pres. Duterte at hindi rin maganda na sila ang nagbigay at sila rin
ang babawi nito.
Matatandaan na wala pang sampung taon nang payagan ng DAR
Region 6 ang pag-apply ng cancellation sa nasabing CLOA.
Dagdag pa ni Tamboon, nakipag-ugnayan na sila sa opisina ng
DAR sa Central office ngunit wala rin aniyang pag-asa na matulungan ang mga ito
sa halip nirekomenda pa sa kanila na maghanap ng karagdagang ebidensya para
dito.
Napag-alaman na nasa 44 na mga pamilya sa isla ng Boracay
ang nabigyan ng CLOA habang nasa 3.1 ektaryang lupa ang gustong bawiin ng
gobyerno.
Kaugnay nito, hiniling ni Tamboon na marinig sana ni Pres.
Duterte ang kanilang hinaing at matulungan sila sa nasabing suliranin. |JURRY
LIE VICENTE
.png)
.png)
0 Comments