PCG, NAKA- HEIGHTENED ALERT NA SA BALIK-ESKWELA
Ni Jurry Lie Vicente
Naka-heightened alert status ang lahat ng Coast Guard
District Station at Sub-Station sa bansa simula ngayong araw, Agosto 22 hanggang
Setyembre 1.
Ito ang iminandato ni PCG Commandant Admiral Artemio Abu,
bilang suporta sa Oplan Biyaheng Ayos: Balik Eskuwela 2023 ng Department of
Transportation (DOTr).
Ayon kay Abu, layunin nitong matiyak ang kaligtasan at
seguridad ng mga biyahero gayundin ang maayos at matiwasay na biyahe sa mga
pantalan.
Kaugnay nito, tinitiyak ng PCG na maibigay ang
pangangailangan ng mga pasahero sa pamamagitan ng “DOTr Malasakit Help Desk” na
makikita sa mga port passenger terminal kasama ng Philippine Ports Authority
(PPA) at Maritime Industry Authority (MARINA).
0 Comments